Tereixa Paz pregunta pola acusación contra Baltar e o Goberno non se pronuncia
A deputada do BNG formulou unha pregunta ao Goberno, polo trámite de urxencia, reclamando unha explicación sobre as graves acusacións de solicitude de favores sexuais a cambio de un posto de traballo fixo imputadas ao Presidente da Deputación de Ourense, José Manuel Baltar
Na súa intervención, a deputada reclamou unha explicación do Goberno sobre as graves acusacións formuladas contra o Presidente da Deputación e preguntou que medidas ten previsto impulsar para garantir o cumprimento da lei 11/2007 de Prevención e tratamento integral da violencia de xénero. A parlamentaria acusou ao goberno de manter unha dobre vara de medir, e pedir a dimisión cando as manifestacións machistas non se producen nas súas filas
Tereixa Paz explicou que a violencia de xénero non se reduce a que mallen nas mulleres e as maten . Violencia de xénero tamén son as manifestacións, as palabras, o abuso sexual e acoso sexual e a cousificación o Sr. Feijóo fixo das mulleres facéndonos quedar como meros obxectos ao servizo da satisfacción dos homes. Por iso, engadiu formulamos esta pregunta para saber si o Partido popular e este Goberno ten algún tipo de código ético que tipifique as condutas que atenten contra a igualdade das persoas e as mulleres. Non hai no seu código ético algún principio que impida que as persoas que ostentan cargos públicos utilicen sexualmente as mulleres cometendo o caciquismo de toda a vida? preguntou.
A vostede como máximo responsábel de política de Igualdade, non lle merece algunha reflexión que un Presidente dunha Deputación acusado, non penalmente, pero si invalidado politicamente pola sociedade por acosar sexualmente a unha muller como recolle a lei que vostede ten que aplicar todos os días en materia de Violencia de xénero e o seu Goberno non só mire para outro lado senón que sega acusando a vítima, remarcou a nacionalista.
O PP aconsella aplicar prudencia e firmeza e acusa a oposición de demagoxia e electoralismo
Pola súa parte, o vicepresidente da Xunta, Alfonso Rueda afirmou que debe ser aplicada a prudencia e firmeza fronte un tema xudicializado e acusou á oposición de demagoxia e pouca seriedade por ter abandonado o hemiciclo na xornada da mañá, a modo de protesta, porque Núñez Feijóo ao ser preguntado polo caso Baltar evitou pronunciarse.
Na réplica, a nacionalista preguntou as razóns polas que o vicepresidente non responde ás preguntas formuladas e explicou que tras un pronunciamento xudicial xa non necesitaremos nin a súa contundencia nin a do Sr. Feijóo, a firmeza debe ser en termos políticos.
A parlamentaria concluíu a súa intervención reiterando que un cargo que acosa a unha muller, violentando a súa vida sexual obrigándoa a manter relacións sexuais coa promesa dun posto de traballo, debe dimitir e a Xunta está amparando condutas machistas e a un presunto autor dun acto tipificado por Lei como violencia de xénero.