Rosana Pérez reprocha a Ana Pastor a "súa asusencia e falla de implicación" nos tres naufraxios
Rosana Pérez criticou á Ministra pola súa ausencia e a súa falla de implicación nas tres traxedias foi un clamor, igual que a súa falla de compromiso para atallar a perda de vidas humanas no mar. Na súa resposta á deputada do BNG, a Ministra eludiu o debate das medidas posto que non veu á Cámara con ningunha proposta. Limitouse a sinalar de xeito xenérico que Salvamento e a Mariña Mercante están a traballar no ámbito da prevención de accidentes e atenderon máis de 13.000 persoas e fixeron máis de 5.000 actuacións.
A deputada nacionalista puxo de manifesto que entre o 1 de marzo e o 17 de abril producíronse, entre Vigo e Asturias 3 sinistros marítimos moi próximos ao litoral e coa mar en calma branca, que provocaron a perda de 18 vidas.
A frota galega suma o 80% das vítimas por accidentes marítimos
A deputada do BNG salientou os factores comúns que se observan nos tres naufraxios que non se poden achacar á casualidade, nin á fatalidade e hai moitas incógnitas por aclarar. Así, enumerou algúns como o funcionamento dos sistemas de alerta, o momento de apertura das balsas salvavidas, se se activou a radio baliza, ou a chamada selectiva dixital de socorro, se houbo intervención do Centro de Radiocomunicacións Marítimas ou se se efectuaron os preceptivos maydays...
Rosana Pérez criticou a a escasa, ou practicamente inexistente información por parte das autoridades competentes. Ademáis, reprochou que desde o Ministerio, desde a Comisión de Investigación de Accidentes Marítimos, se decidira descartar investigar o accidente do Mar Nosso por ter bandeira portuguesa cando a maior parte da súa tripulación é galega, igual que o seu armador.
A parlamentar nacionalista destacou o feito de que a flota galega sume o 80% das vítimas por accidentes marítimos. Afirmou que isto indica problemas específicos, que como no caso do accidente de Angrois, coidamos que non todo é polo fallo humano, e en moitos casos, hai decisións políticas que teñen efectos na seguranza.
Así, resaltou unha serie de factores que están a mermar a seguranza: a privatización de parte dos servizos de seguranza, subliñando que se cobre o servizo de Gardacostas ou a intervención do helicóptero de salvamento, a centralización en Madrid das emerxencias no mar, o financiamento dos desguaces pero non da renovación da frota para facela máis segura, a rebaixa da tripulación mínima nas embarcacións, o empioramento das condicións laborais ou a desaparición do seguro colectivo de accidentes do mar.
RÉPLICA DA MINSTRA DE FOMENTO
A titular de Fomento replicou a Rosana Pérez trasladando o seu agradecemento a todos os servizos que participaron nos labores de resgate nos tres naufraxios e dando as grazas á Xunta e ao Principado de Asturias desde o seu escano. Máis reprochou á deputada do BNG que en dous anos e medio de lexislatura non se preocupara nunca polas cuestións relativas á seguranza marítima, cando a deputada do BNG ten solicitada a comparecencia do Director de Salvamento Marítimo e ten diversas iniciativas parlamentares relacionadas con temas de seguridade marítima, e sobre todo, coa rebaixa de personal e medios en Sasemar.
Ana Pastor non aportou hoxe ningunha novidade en relación á necesidade de mellorar a proteción da seguranza dos mariñeios e se limitou a mencionar unha serie de normativas, que como denunciou Rosana Pérez, só contribuiron a empiorar os servizos e a situación dos pesqueiros.