Rosana Pérez pide a Ana Pastor que aclare se está a negociar a privatización dos portos
De ser así, que portos está o Goberno pensando en entregar á iniciativa privada? Estarían portos galegos entre eles?, son algunhas das cuestións que a deputada nacionalistas dirixe a Ana Pastor.
Os portos do Estado son das infraestruturas máis modernas do mundo
Rosana Pérez faise eco dalgunhas informacións que indican que o Ministerio estaría en conversas con bancos estranxeiros para abordar a privatización de portos do Estado. Subliña ao respeito que os portos son un auténtico negocio para a iniciativa privada posto que contan cunha débeda moi baixa. Ademáis de bancos de inversión tamén se fala de grandes navieiras e de concesións a 50 anos.
A parlamentar nacionalista pón de manifesto que os portos xerais do Estado español son infraestruturas moi modernas, das mellores do mundo e están nunha posición privilexiada. Ao BNG non lle estranan estas informacións posto que é o modelo político que está a pór en práctica como vemos co ferrocarril e cos aeroportos. Por non falar do ámbito sanitario onde goberna o PP.
Vai entregar portos galegos á iniciativa privada?
En concreto, a deputada do BNG quer saber se Fomento ten intención de incluir nesa privatización algún dos portos galegos de interese xeral. Moito nos tememos, puntualiza Rosana Pérez, que o Executivo decidise abrir a espita das privatizacións no sector portuario, unha das denominadas xoias da coroa.
A deputada nacionalista advirte ao Goberno que abandone calquera intención de entregar ao negocio privado unha infraestrutura básica, de interese xearl e fundamental para o Estado. É un camiño errado e moi perigoso.
Vai entregar o Goberno o que se considera unha das grandes infraestruturas do Estado á iniciativa privada? Que tipo de contrapartidas está demandando o Goberno aos bancos de inversión e ás grandes navieiras?.