Rosana Pérez acude ao peche de campaña das CUP en Badalona
A presenza do BNG neste acto é mostra da solidariedade, confraternidade e apoio do BNG ás forzas políticas catalanas independentistas que teñen como obxectivo que o pobo de Catalunya se pronuncie democraticamente sobre o seu futuro político, e teñan dereito a optar por un modelo independentista, sen coaccións nin ameazas do Estado e do Establishment.
Exhibiráse un video do BNG no acto
En definitiva, en palabras de Rosana Pérez, trátase de que cada pobo poida construir o seu futuro e o seu modelo de convivencia nun marco de liberdade e sen presións nin argucias anti democráticas, en clara alusión á proposición de lei do PP de reforma do Tribunal Constitucional.
Ademáis da asistencia da deputada do BNG no Congreso ao acto de peche das CUP, o respaldo do BNG tamén se explicitará mediante a exhibición dun video que se proxectará durante o acto. É preciso lembrar que o BNG é unha das formacións asinantes da Declaración a prol das liberdades do pobo catalán, que se presentou coincidindo coa celebración da Diada e que en esencia pide respecto para o proceso político catalán.
Rosana Pérez salienta o apoio do BNG ao proceso soberanista catalán e a nosa solidariedade perante as ameazas e os ataques de todo o aparato do estado e dos poderes económicos. Desde o inicio, entendemos a importanza dun proceso que é un clamor do pobo e que por moito que se empeñen é imparábel. Lamenta a enorme tensión e a chantaxe que o pobo catalán está a vivir por parte parte do Goberno central e de todas as organizacións políticas que rexeitan a pluralidade nacional existente no estado.
A deputada do BNG pón de manifesto que a máxima expresión da democracia non é a atroz agresividade que está a sofrer Catalunya por parte dos poderes de todo tipo, senón a oportunidade de poder expresarse nas urnas o vindeiro domingo. A democracia consiste en escoitar ao pobo e respectar a súa vontade e non en tratar de xogar constantemente á contra, intentando torcer a súa vontade cunha campaña tan virulenta que causa vergoña.