O "recortazo" de Rajoy só será sinónimo de máis desastre, máis paro e máis recesión
O portavoz nacional do BNG, Guillerme Vázquez, afirmou esta mañá en Bueu que o inminente recortazo anunciado polo goberno de Rajoy só vai traer consigo máis desastre, máis paro e máis recesión.
Referendum
Ante esta realidade, o voceiro nacionalista insistiu na necesidade de celebrar un referendum sobre estas políticas que está a defender o PP, tanto no marco estatal como no Europeo, que conducen ao desastre económico e social e converten a Rajoy na nova Cruella de Vil en alusión á personaxe vilá de 101 Dálmatas.
Habería que preguntarlle á xente que prefire, se a suba do IVE ou unha reforma fiscal para que paguen máis os que máis teñen; os recortes en sanidade ou en gasto militar
Para Guillerme Vázquez sería moi esclarecedor poder preguntarlle á xente que prefire, se a suba do IVE ou unha reforma fiscal para que empecen a pagar a facenda os que teñen cartos e máis cartos; ou preguntar se ante a reforma da administración que está prantexando o PP non preferirían a supresión das deputacións; ou se non sería mellor reducir en gasto militar o que se está a reducir en sanidade, por poñer algúns exemplos.
Queremos volver criticar con rotundidade a política fracasada, equivocada e inmoral que está levando adiante o PP, absolutamente letal, que se empeña en seguir saqueando o pobo sen piedade e en recentralizar o Estado e ceder soberanía ante a UE.