Lei de Cambio Climático e sector pesqueiro e marisqueiro: que di o BNG e que di o PP

BNG vs PP

17 de marzo de 2021 (15:11 h.)

Como o PP se dedica a encerellar, explicamos brevemente o que di o BNG e o que di o PP sobre a Lei de Cambio Climático impulsada por PSOE-UP, que afecta gravemente o noso sector pesqueiro e marisqueiro.

QUE DI O BNG		QUE DI O PP
Estamos de acordo en lexislar para favorecer unha transición xusta de cara o uso das enerxías renovábeis que contribúan a reducir os gases de efecto invernadoiro. Porén, esta lei impulsada por PSOE e UP desde o goberno español, no seu artigo 18, prexudica gravemente os sectores pesqueiro e marisqueiro galegos , así como as actividades inducidas (depuradoras de marisco, cocedeiros, conserveiras, etc), básicas para o mantemento deste sector produtivo. O recollido nese artigo 18 do proxecto de lei representa, de facto, unha modificación da lei de Costas e provoca unha grande discrepancia entre a visión da cadea mar-industria e a do propio ministerio sobre a alteración da vixencia das concesións administrativas asentadas á beira do mar vinculadas a esta actividade produtiva.		Mentir. Di que estamos a favor do artigo 18, cando iso non é certo, e así o fixemos público en reiteradas ocasións.
QUE FAI O BNG		QUE FAI O PP
Impulsamos unha resolución do Parlamento Galego, aprobada cos votos de BNG e PP, e abstención do PSOE, que insta ao goberno español a suprimir de oficio o artigo 18 do actual proxecto de lei de cambio climático e transición enerxética, así como a consensuar co sector mar-industria galego calquera modificación da lei de costas no referido á vixencia das concesións administrativas asentadas á beira do mar. Ollo! Non se debe confundir esta posición, mantida con toda claridade polo BNG desde o inicio da tramitación deste proxecto de lei, coa reivindicación histórica de que ENCE abandone a ría de Pontevedra. Son casos diferentes, de feito, o BNG propuxo no Congreso unha emenda de transacción para diferenciar a defensa da actividade vinculada á pesca e marisqueo, de carácter sustentábel, fronte ao que representa a pasteira de Lourizán. Presentamos máis de 30 emendas á lei de cambio climático. Pedimos ademais a SUPRESIÓN da totalidade do artigo 18, que prexudica o sector marisqueiro e pesqueiro. Presentamos hai unhas semanas o proxecto vinculado aos fondos Next Generation de Recuperación Produtiva das Rías Galegas valorado en 1.096 millóns de euros. Este 17 de marzo trasladamos a PSOE, PP e Podemos unha proposta de transaccional ao artigo 18 da Lei de Cambio Climático que exceptúe as actividades vinculadas ao complexo mar-industria, de carácter sustentábel.		Mentir. Presume estar do lado do sector marisqueiro e pesqueiro, mais logo é o BNG quen defende no Parlamento Galego, no Congreso ou no Parlamento Europeo o sector das graves repercusións do Brexit, por citar un exemplo. Coa escusa desta lei de cambio climático, o PP defende basicamente os intereses de ENCE, que impide sanear a ría de Pontevedra e recuperala para o marisqueo. ENCE é o único que lle preocupa.

Etiquetas

PP BNG Lei de Cambio Climático