Davila a Fátima Báñez: "Só queren empobrecer as pensións e que se contraten plans privados"
A vostés o único que lles interese é rebaixar as pensións, e dicerlles á xente que o futuro das pensións non vai ser bón. Están empeñados en que a xente se busque outras alternativas ás pensións públicas, queren que contraten fondos privados de pensións e dar negocio á banca, enfatizou a portavoz do BNG. Pediu ao Goberno que retire a reforma canto antes
O PP aposta polas pensións privadas e o negocio da banca
Davila reprochou ao Goberno a presentación dunha proposta que é para empobrecer as pensións e aos pensionistas, e criticou o ninguneo que o Goberno fai do Parlamento, en concreto, da Comisión do Pacto de Toledo. Vosté ofrece diálogo agora cando o diálogo tiña que ser previo. Antes de aprobar a proposta era o momento de traelo á Comisión. Así funciona o diálogo e non como fan vostés. Ademáis, subliñou, din que falaron cos axentes sociais pero aprobaron a reforma das pensións en contra das organizacións sindicais e en contra da patronal e do Informe do CES.
A deputada do BNG deixou claro a Fátima Báñez que non nos convencen, ao BNG non porque a súa reforma das pensións é para empobrecer ás pensións e aos pensionistas. Puxo o aceno na irrisoria revalorización do 0,25% para o 2014 e criticou que se desligue a revalorización das pensións do IPC. Por riba o tan traído factor de sostenibilidade que vai ter en conta a esperanza de vida, provocará pensións máis baixas aínda.
Davila acusou ao Goberno do PP de aplicar o rodillo da súa maioría parlamentar. O PP sacará adiante a lei que considere como vai suceder con esta reforma e con outras moitas leis através do rodillo da súa maioría absoluta.
A portavoz nacionalista deixou claro á Ministra que as pensións dependen sobre todo doutras cuestións relacionadas coa productividade. Hai que incrementar a afiliación á Seguridade Social, diminuir as cifras do paro e crear traballo. Para Davila é a mellor maneira de garantir as pensións, máis puxo en dúbida que o PP teña interese en mellorar as pensións públicas porque a súa aposta é a liña dos plans de pensións privados.