Davila denuncia as duras e restrictivas condicións para acceder ao Plan Prepara
Davila criticou que o Goberno non dea estabilidade a esta prestación. Non a convirten en indefinida senón que volta a estar suxeita a prórrogas e inestabilidades. Nese sentido, lembrou o que sucedeu no mes de agosto e non pode voltar a suceder. Unha prestación destas características non debe estar á espera de se vostés deciden prorrogala ou no.
Endurecen os requisitos para acceder ao Plan Prepara
Ademáis, puntualizou, non incrementan o financiamento para cubrir estas prestacións a pesar de que o número de parados aumentou nun millón de persoas desde o ano pasado. Sen esquecer que vostés reducen as posibilidades de moitos cidadáns para poder acceder a esta axuda. Denunciou as numerosas restriccións que se fixan no decreto e que fan moi difícil que se poida percibir.
Así, explicou que dada a situación de falla de emprego vai haber moitas persoas que teñan que regresar á casa dos pais, e non van ter dereito á esta prestación por esa circunstancia.
Señora Ministra, enfatizou Davila, cando vosté fala con tanta seguridade de que están a aplicar políticas equitativas, teño que dicerlle que baixe o tón porque lle lembro que nun informe da ONU se alerta das políticas que está a desenvolver o Goberno de Rajoy, consistente en reducir as prestacións sociais o que está conducindo a aumentar a probeza. O que vostés fan non é xustiza social, é inxustiza.