Davila demanda a Cañete "xestións urxentes na UE porque no caladoiro mauritano faenan barcos chinos"
A deputada do BNG faise eco das informacións que poñen de manifesto que barcos cefalopodeiros chinos están a faenar no caladoiro mauritano do que se excluiu á frota galega cando se renovou o Acordo de Pesca UE-Mauritania.
Esta é razón pola que dirixe ao Goberno unha batería de preguntas: Confirma o Ministro que barcos cefalopodeiros de China están faenando no caladoiro de Mauritania? Que consideracións lle merece ao Goberno este feito cando se excluiu á frota cefalopodeira galega desas augas? Pediu o Goberno explicacións á UE para que se dirixa a Mauritania?.
Davila critica á UE: A que se debe o empeño da UE en eliminar ás frotas galegas dos acordos de pesca?
Davila pón de manifesto que o pago por parte da UE de 140 millóns de euros durante dous anos polo Acordo pesqueiro con Mauritania é razón máis que suficiente para requerirlle explicacións. A deputada do BNG demanda ao Ministro xestións urxentes ante a UE, e verte dúbidas sobre a actitude da UE á hora de asinar acordos pesqueiros que soen excluir á frota galega. Non considera o Goberno que a exclusión da frota cefalopodeira é consecuencia dun pacto entre a UE e Mauritania?
A qué se debe que a UE bloquee sistemáticamente acordos pesqueiros que prexudican á frota galega? A qué responde o empeño da UE para eliminar ás frotas galegas dos acordos de pesca?, son algunhas das preguntas que formula ao Ministro.
rigurosos?
A deputada do BNG demanda ao Ministro de Agricultura que defenda a pesca galega porque é evidente que o Informe presentado por Mauritania sobre o esgotamento dos recursos pesqueiros é unha falacia posto que de ser así, os pesqueiros chinos non estarían a pescar polbo. O que tamén corrobora as conclusións do Informe realizado polo Instituto Oceanográfico español que sinalaba que a cota de pesca incluso se podería duplicar pasando de 30 a 60.000 toneladas anuais.
Davila alude ao coñecemento público dun Acordo de Pesca entre Mauritania e China que permite a cefalopodeiros do país asiático faenar no caladoiro africano. Existen incluso testemuñas gráficas. Polo tanto, conclúe a deputada do BNG, a exclusión da frota galega non se debeu á situación do stock, e que o estudo presentado por Mauritania, do que xa advertimos que non se sustentaba en criterios científicos rigurosos, non é máis que unha cortina de fume para que os barcos de Galiza non volten a pescar alí.
Ademáis, engade que non se trata de un bulo porque a mesma Secretaría Xeral de Pesca confirmou a representantes sindicais do mar que, efectivamente, os barcos chinos que capturan polbo o fan no caladoiro mauritan.