Davila celebra que "por fin" se impute á infanta Cristina e a xustiza sexa igual para tod@s
Todos iguais ante a lei
A deputada do BNG sinala que por fin se cumpre tamén aquela máxima, enfatizada polo Xefe do Estado na súa mensaxe de Nadal de hai dous anos, de que a xustiza é igual para todos e para todas, aínda que debemos lamentar que tardase tanto en se manifestar.
Para Davila está claro que a Infanta Cristina ten que aclarar a súa relación coa trama de corrupción presuntamente dirixida polo seu consorte, Iñaki Urdangaría, e o ex socio, Diego Torres. E tal e como dí o auto do xuiz Castro a filla do rei podería ser cooperadora necesaria nos delitos relacionados co caso Noós.
Por iso, é de celebrar que por fin sexa imputada e compareza ante a xustiza o vindeiro 27 de abril como calquer cidadán. Nese sentido, a deputada do BNG critica a posición da Fiscalía que durante todo este tempo non fixo o seu traballo porque en lugar de contribuir ao esclarecemento dos feitos, a verter luz e a perseguer posíbeis feitos delictivos, adicouse a protexer á Casa Real.