A Comisión Europea ten que pronunciarse sobre o "agasallo" a ENCE do goberno en funcións de Rajoy
O BNG leva ante a Comisión Europea como executivo da UE a decisión do Goberno de funcións de Rajoy de conceder unha prórroga de sesenta anos na Ría de Pontevedra a Ence-Elnosa, por entender que a multinacional vulnera normativa comunitaria en materia de medio ambiente.
A portavoz nacionalista en Bruxelas, Ana Miranda, explica na interpelación á Comisión que a empresa privada incumpre sistematicamente a Directiva 91/271/CEE sobre o tratamento das augas residuais urbanas, como xa foi denunciado no Parlamento europeo polo Bloque en reiteradas ocasións.
Miranda lembra que se estaba non proceso de alegacións no que entidades como a Plataforma pola defensa da Ría de Pontevedra esgrimiu como causa da non renovación da concesión, entre outras razóns, o feito de que se supere o volume de 20 ppm de demanda bioquímica de oxíxeno (DBO) nas augas de vertido á Ria, cuestión que ten implicado unha condena por deleito ecolóxico. Ademais, lembra Miranda, a Lei de Costas española prohibe verteduras de metais pesados que superen o máximo permitido pola lexislación comunitaria.
Neste contexto, o BNG quere que o Executivo da Unión manifeste a súa posición ante a decisión do Goberno do Estado español en relación a unha multinacional que non cumpre lexislación comunitaria.