O BNG urxe a comparecencia de Rajoy para explicar as contraprestacións do resgate
A voceira do GP do BNG, Ana Pontón, ante a posibilidade de que esta mesma tarde se confirme o resgate do sistema bancario español, afirmou que urxe a comparecencia do presidente do goberno do Estado, Mariano Rajoy, para que dea conta das condicións e contraprestacións que vai traer consigo o dito resgate.
Tanto os responsábeis políticos como os do ámbito da xestión dos bancos dixo- teñen que ser investigados e dende logo teñen que depurarse responsabilidades políticas e penais.
A voceira parlamentar lembrou que xa se viu en países como Grecia e Portugal cales son as consecuencias dun resgate e asegurou que,dende logo, ese non é o modelo social nin as políticas que o BNG quer nin defende para Galiza, pois o único que provocaron neses países foi máis pobreza, máis desigualdade e unha situación dramática para milleiros de persoas.
Tanto os responsábeis políticos como os do ámbito da xestión dos bancos teñen que ser investigados
Pontón advertiu de que o BNG leva dicindo durante todo a crise que as políticas que impuxeron durante estes anos tanto PSOE como PP só levaban ao desastre e este novo resgate confirma que por este camiño vaise de mal en peor.
Estamos ante un novo resgate á banca privada que se quer facer a costa de menos dereitos para o pobo, de menos dereitos para os cidadáns e de novos recortes, concluiu.