O BNG pregunta en Europa pola exclusión de Cabo Fisterrra do Selo de Patrimonio europeo
Ana Miranda presenta unha iniciativa sobre as causas polas que este enclave galego non superou a avaliación do Comité de expertos e defenderá incluír o Cabo Fisterra no Selo Oficial de Patrimonio europeo
A portavoz do BNG en Europa presenta unha iniciativa ante a Comisión europea sobre as razóns que levaron a exclusión do cabo Fisterra do Selo de Patrimonio Europeo.
A nacionalista pide explicacións á Comisión sobre as causas polas que este enclave galego non superou a avaliación co comité de expertos. Ademais pide tamén pide explicacións sobre as notificacións que recibiron as autoridades e estes promotores da candidatura do Cabo Fisterra para subsanar as deficiencias observadas e adoitar as posibles recomendacións.
Ana Miranda tamén quer saber se existe a posibilidade de revisar desa decisión, para corrixir as posibles deficiencias e non descartar definitivamente a un dos cabos máis importantes de Europa dende o sentido cultural e de trafego marítimo, para acceder ao Selo do Patrimonio Europeo.
O Selo europeo distingue os lugares de grande relevancia para a historia, a cultura e a integración europea
O Selo de Patrimonio Europeo, explica a nacionalista, distingue os lugares de importancia para a historia, a cultura e a integración europea. Esta distinción foi promovida en 2006 coma unha iniciativa intergubernamental que aglutinaba a dezaoito Estados Membros. Coa aprobación da Decisión nº 1194/2011/UE do Parlamento Europeo e do Consello, de 16 de novembro de 2011, pola que se establece unha acción da Unión Europea relativa ao Selo de Patrimonio Europeo, este selo adquire a consideración de iniciativa oficial da UE.
Fisterra, enclave xeográfico privilexiado
O prestixioso enclave xeográfico do Cabo Fisterra, cuxo valor simbólico radica na súa condición universal coma un dos cabos do mundo, parte da historia da navegación, e resulta un referente xeográfico e cultural do continente europeo. O Cabo Fisterra gozou da distinción coma Patrimonio Europeo dende o ano 2007, xunto a outros 30 bens culturais europeos, abonda Miranda.
A partir do 2011, unha vez que se aproba a Decisión nº 1149/2011/UE, os lugares distinguidos con este selo debían achegar unha serie de memorias de planificación con propostas de actuación, para garantir o cumprimento das novas esixencias de acción da Unión Europea e poder así consolidar oficialmente do recoñecemento, baixo a denominación de Selo de Patrimonio Europeo. A partir dese momento, un Comité Europeo de Expertos Independentes analizaría e supervisaría periodicamente os avances conseguidos por cada candidatura, comprometidos a adaptarse aos novos criterios establecidos mediante as súas propostas de proxectos ou plans de traballo, co fin de garantir a calidade e coherencia co Selo do lugar distinguido.
De comprobarse que o devandito plan de traballo non se cumpría, a Comisión podería excluír as candidaturas. Esta semana chegou a nova de que o Cabo Fisterra foi excluído do Selo europeo, decisión que o Grupo municipal do BNG de Fisterra trasladou de maneira urxente ao pleno.
Ana Miranda defenderá en Europa que o cabo de Fisterra sexa incluído no Selo de Patrimonio Europeo.