O BNG pide a Xunta que medie no conflito laboral de FRIGOLOURO
A deputada do BNG, Montse Prado preguntou ao goberno que medidas vai impulsar para resolver a situación dos traballadores e traballadoras da empresa SERVICARNE que presta servizos para FRIGOLOURO do grupo COREN. Pola súa parte, a secretaria xeral de Emprego responde que "hai que esperar"
A parlamentaria do BNG, Montse Prado explicou que a empresa FRIGOLOURO instalada en Porriño leva anos contratando á empresa SERVICARNE o servizo de traballadores para realizar a maior parte da súa produción e FRIGOLOURO cambia deste xeito traballadores/as de plantilla por autónomos cooperativistas.
No debate da pregunta parlamentaria formulada na comisión de Política social e Emprego, Montse Prado explicou que s traballadores e traballadoras de SERVICARNE denuncian xornadas laborais que saben cando empezan pero non cando rematan, tempos de descanso non remunerado, e salarios e condicións de traballo denigrantes. Asemade, dixo a nacionalista, os falsos autónomos cobran en función do que producen e descoñecen o que percibirán polo seu traballo xa eu os criterios económicos da empresa varía entre os 600 e 900 euros, por 12 ou 14 horas de traballo.
A parlamentaria preguntou que medidas impulsará a Xunta para resolver o conflito laboral denunciado polos traballadores e traballadoras en folga indefinida dende o 17 de marzo ante as condicións laborais indignas: cun ritmo de produción en aumento constante e a ausencia de horarios e salarios.
A deputada lembrou que FRIGOLOURO contaba con 600 traballadores e traballadoras dende o ano 1999 pero procedeu a contratar con SERVICARNE parte da súa produción que non é outra cousa dixo, que unha cesión ilegal de traballadores e traballadoras sen outra alternativa que asociarse á cooperativa. FRIGOLOURO xa non contrata persoal propio, só falso autónomo, ou autónomo independente, recalcou.
No ano 99 eran 40 cooperativistas e na actualidade son 224, o cadro de COREN pasou de de 600 traballador@s a 360 e os salarios dos cooperativistas son moi inferiores e con condicións laborais denigrantes polo que volveu preguntar que vai facer a Xunta ante esta situación.
A Xunta responde ao BNG que hai que esperar
Pola súa parte, a secretaria xeral de Emprego , Covadonga Toca Carús respondeu á deputada que hai competencias xudiciais que nos obrigan a esperar. As demandas interpostas responden á cesión ilegal de traballadores/as e a denuncia por servizos falsos atopase en investigación no Ministerio de Traballo e Seguridade social polo que debemos tamén esperar
Na réplica, a parlamentaria afirmou que os traballadores e traballadoras non poden esperar. Resulta moi difícil, dixo, escoitar como son penalizados e tratados e vostede segue repetindo que temos que esperar. Non coñecemos ningunha actuación da Xunta para resolver o conflito, a pesar de que levan meses mobilizándose.
Por outra parte, vostede acaba de dicirnos que a empresa recibiu axudas públicas pero non deu tampouco a contía, concluíu a nacionalista.