O BNG pide no Parlamento como "protesta simbólica" retirar as bandeiras da U.E das Institucións
A deputada do BNG, Ana Pontón fai un chamamento á participación da cidadanía galega nas mobilizacións en defensa dun trato humanitario e xusto aos refuxiados e refuxiadas.
A parlamentaria do BNG, Ana Pontón cualificou de indigno a trato ás persoas refuxiadas e a afirmou que a Unión europea está a vulnerar os dereitos humanos e a legalidade internacional ademais de ser unha pata para o auxe de políticas xenófobas e racistas no conxunto de Europa. Neste sentido, anuncio que o BNG proporá en sinal de repulsa e como acto simbólico a retirada de todas as bandeiras da Unión Europea das institucións e edificios públicos.
Retirada das bandeiras da U.E como protesta simbólica contra o trato ás persoas refuxiadas
A parlamentaria considerou que retirada das bandeiras da U.E é unha medida máis de presión fronte unha política que vulnera a legalidade pero tamén a xustiza, a humanidade e os valores que deben impregnar calquera sociedade democrática. As políticas imperialistas dalgúns países da propia Unión europea e de EE.UU, recalcou a deputada, arrasan poboacións enteiras e provocan un drama humano inaceptable á altura do século XXI.
O grupo parlamentario do BNG mantén nos seus escanos un cartaz baixo o lema NON AO ACORDO DA UNIÓN EUROPEA E TURQUIA PARA EXPULSAR ÁS PERSOAS REFUXIADAS