O BNG pide unha liña de axudas para @s afectad@s polos cortes da luz e abrir un expediente a Fenosa
- Ana Pontón reclama a Feijóo que demostre “que existe Goberno” e que o Parlamento “non actúa roboticamente” senón que está coa cidadanía
A portavoz nacional, Ana Pontón, empezou o pleno do Parlamento de totalidade dos orzamentos amosando o apoio e a solidariedade do BNG cos miles de galegos e galegas afectadas polos cortes de luz de ata 72 horas, “que sufriron as consecuencias do temporal, mesmo afectándolles á saúde”.
A dirixente nacionalista fixo referencia explícita aos miles de gandeiros e gandeiras que non puideron atender as súas explotacións, “nin muxir, nin alimentar as vacas, nin arrefriar o leite, e iso é un drama”. “É lóxico que durante un temporal poda haber cortes de luz, pero é abusivo que estes se prolonguen durante 48 e mesmo 72 horas”, indicou.
Pontón considera que deixar sen servizo a miles de galegos e galegas durante tanto tempo “implica que Fenosa ten o mantemento das instalacións eléctricas, o mantemento das liñas, descoidado” e pide unha actuación contundente por parte do Goberno. En concreto, a portavoz nacional fixo tres propostas de aplicación inmediata ao resto dos grupos da Cámara.
E, por último, Pontón pediu a comparecencia do presidente ou do vicepresidente da Xunta para explicar mañá mesmo en Pleno como se fixo a xestión deste temporal e a atención prestada á cidadanía. “O BNG non ten ningún inconveniente en modificar a orde do día do pleno da Cámara e pídello ao señor Feijóo que demostre ás miles de persoas que están enfadadas que teñen Goberno e que teñen un Parlamento capaz de reaccionar á realidade social e que non se limita a actuar roboticamente”, concluíu.