BNG pide a comparecencia urxente do Secretario de Pesca por non atender as demandas do cerco galego
A deputada do BNG tamén presentou unha pregunta parlamentar na que alude á última comunicación da Secretaría Xeral de Pesca ás federacións de confrarías e armadores, na que lles requería nun breve prazo de tempo unha resposta sobre a relación de barcos que queren xestionar as cotas conxuntamente, ou aqueles que prefiren explotalo de xeito individual.
O mínimo é dialogar
Estas maneiras do Ministerio provocaron o malestar do sector cerqueiro galego que se movilizou onte mesmo e continúa coas medidas de protesta como o amarre.
Davila reprocha ao Ministerio que xogue co sector porque parecía que a situación se podía reconducir e que había espazo para o diálogo. De repente, un xarro de auga fría. A deputada do BNG considera, en concordancia co sector, que se trata dun auténtico ultimátum por parte deo Ministerio e critica o talante unilateral que soliviantou a grande parte do sector de cerco galego.
A deputada do BNG insta a Cañete a escoitar e dialogar co cerco galego e a ter en conta as súas demandas de que se realice un reparto de xarda lineal por tripulante entre todos os barcos.
Demanda Davila que o Ministro flexibilice a súa postura, poña o contador a cero e abra un diálogo coa pesca galega.