O BNG demanda que se cumpra o acordo Parlamentario para a rebaixa das portaxes na AP-9
Asemade, a parlamentaria do BNG tamén reclama realizar as xestión necesarias para garantir o adecuado mantemento e condicións de uso desta infraestrutura.
Da Silva explica que a AP-9 é o principal eixo de comunicación por estrada de Galiza e tanto a sociedade galega como o propio Parlamento xa ten manifestado a súa oposición ás elevadas e inxustas portaxes.Neste sentido, engade que lonxe de rebaixalas, o Goberno do Estado ven de decidir o seu incremento.
Para a nacionalista, esta medida supón un ataque inadmisíbel na situación económica de Galiza cunha poboación que, na súa maioría, permanece afogada polos recortes do goberno do Estado e a Xunta.
Carme Da Silva pregunta no Parlamento galego polas xestións realizadas ante o Ministerio e concesionaria da A-9 cara a redución da portaxe e modificación tarifaría
A deputada considera que a intención do Partido popular, unha vez máis, é que os galegos e galegas paguemos as infraestruturas doutras partes do Estado.A partir do 1 de setembro, engade, a esta suba haberá que sumar o incremento en tres puntos do IVE polo que resulta imprescindíbel que o Goberno galego esixa ao Ministerio de Fomento unha rectificación parella á rebaixa da portaxe da AP-9.
Neste sentido, a parlamentaria nacionalista preguntará na Cámara galega polas xestión realizadas polo Goberno galego ante o Ministerio e a concesionaria da AP-9 para tal fin.