O BNG apoiou as concentracións en defensa dos servizos públicos como "único garante da igualdade"
18 de xaneiro de 2013 (13:39 h.)
O portavoz nacional, Guillerme Vázquez, apoiou coa súa presenza a de Pontevedra. Alí dixo que a defensa dos servizos públicos é a defensa dun modelo social que é xustamente o que está empeñado en destruír, en liquidar o PP.
O líder nacionalista lembrou que os servizos públicos son o único garante de igualdade no acceso a unha educación ou unha sanidade de calidade para todos e todas. Por iso, Guillerme fixo un chamamento a todos os galegos e galegas para que se posicionen no que cualificou de guerra de modelos e defendan o público, o que construímos entre todos e todas, fronte ao modelo do lucro e os privilexios que defende o PP.