Ana Pontón encabeza a candidatura da Executiva nacional do BNG aprobada, por unanimidade, no Consello Nacional

A candidatura á Executiva Nacional do BNG, encabezada pola portavoz da forza nacionalista, Ana Pontón foi aprobada por unanimidade na reunión do Consello nacional, previo á celebración  da XVII Asemblea na Coruña, onde será sometida á votación da militancia.

A candidatura que hoxe aprobamos, dixo a portavoz do BNG, parte dunha premisa básica: “manter o que funciona, aproveitar as persoas e as equipas que teñen mostrado capacidade e valía nos seus postos, tanto de xeito individual como colectivo e manter o groso dunha equipa de dirección que foi capaz de levar ao BNG, desde unha situación difícil e complexa ao mellor resultado electoral da súa historia, de tal xeito que hoxe, somos a segunda forza política do País en disposición de afrontar con éxito o reto de liderar o Goberno de Galiza”.

No ano  2016, lembrou a líder nacionalista, o BNG deu paso a “unha nova equipa para coller as rendas da organización, asumindo responsabilidades  e conformando unha Executiva Nacional que mesturou con acerto a  experiencia e a renovación, como demostran os resultados en termos electorais e sociais. Ese acerto é o que buscamos repetir coa candidatura que hoxe sae deste consello nacional que, en esencia, consolida unha equipa que demostrou a súa capacidade para levar ao BNG á maior cota de respaldo social da súa historia, nesa liña, indicou Pontón  “queremos seguir traballando e  sumar a máis galegos e galegas ao proxecto do  Bloque para  darlle a Galiza un futuro mellor”.

Na súa intervención, Pontón dedicou unha  mención especial ao traballo e dedicación  das catro persoas que saen, por decisión propia, da actual executiva nacional: Susana Camba, Duli Diniz, Xosé Manuel Marcote,  e Xosé Emilio Vicente e tamén fixo unha  mención expresa ás catro persoas que se incorporan: Lucía López, Breixo Lousada, Lois Pérez Castrillo e Manuel Lourenzo. “Sei que ides dar o mellor de vós para lograr todos os grandes retos que temos por diante como organización, que son moitos e moi ambiciosos. Como na anterior dirección, volvemos combinar xuventude e experiencia con estas incorporacións”, reiterou.

Unha candidatura para pilotar un novo ciclo político, no que temos a obriga de seguir interpretando acertadamente o momento social, neste sentido destacou que nas pasadas asembleas o BNG acertou no “discurso claro é actualizado, na aposta pola unidade e a coherencia dunha forza sería e solvente.   Acertamos manténdonos firmes nos nosos principios que nos permitiron endereitar o rumbo do barco”.

XVII Asemblea Nacional

 A Asemblea Nacional do 7N na Coruña pechará un ciclo do BNG e dará o pistoletazo de saída para “abrir un ciclo novo, cun gran obxectivo: liderar o Goberno de Galiza en 2024”, recalcou Pontón. Hoxe, dixo, o BNG é a segunda forza política do País e cada día suma máis apoios. Un resultado que ten detrás un traballo “intenso e inmenso da militancia”, -o principal valor da organización-, e resultado, ademais, dunha liña política que conseguiu conectar con miles de galegas e galegos.

Sen renunciar a ningún dos nosos principios, conseguimos situarnos como a alternativa ao PP, cun discurso claro e actualizado, centrado nas preocupacións da cidadanía e, ofrecendo alternativas e solucións aos problemas que impactan de cheo nas familias, na clase traballadora, nas persoas autónomas, na pequenas e medianas empresas.

Ese é o reto que temos por diante, tres anos para percorrer un camiño coa máxima entrega e ilusión. Un camiño que ten polo medio importantes fitos de cara “a esa meta final da Presidencia da Xunta”.

  Entre os retos para os vindeiros anos,  a portavoz do BNG avogou por  fortalecer a organización e ensanchar a base social, avanzar nas eleccións municipais “enfrontándoas con decisión e coa convicción de que os nosos proxectos municipais poden chegar á maioría social”. Aumentar a representación nas Cortes do Estado como garantía de defensa dos intereses de Galiza ante o Goberno central, e sentar “unhas  bases sólidas para lograr o obxectivo de presidir o Goberno de Galiza en 2024, disputándolle a hexemonía ao PP”. Para facelo temos  que seguir centrando o traballo do BNG no que realmente lle da sentido á política,  “ocuparse dos problemas da xente e darlles solucións”.

Estou segura, afirmou, que ese é o camiño no novo ciclo político que abriremos tras a asemblea nacional: “con unidade, cunha organización forte e centrando o noso traballo político nas prioridades dos galegos e das galegas”.Temos tres anos para conseguir ese obxectivo e abrir un tempo de esperanza “liderando o Goberno desde a Presidencia da Xunta”. 

“Galiza necesita un novo rumbo”  e non podemos escatimar esforzos para poñer fin á desfeita das políticas do PP de Feixóo e ás nefastas consecuencias da súa submisión ao centralismo madrileño. Temos que  evitar que o descontento neste contexto de crise económica, provoque pasotismo, frustración e desmobilización entre a xente, porque iso só favorece ás forzas políticas que queren manter un status quo, un madricentrismo nocivo para Galiza. “Construír un futuro mellor só ten un camiño: ampliar a base social do nacionalismo e que o BNG lidere a Presidencia do País” enfatizou Pontón.

Temos por diante a XVII Asemblea Nacional da que, estou segura, “sairá un BNG con máis forza que nunca para traballar a favor de Galiza e da súa xente”.

---

PROPOSTA DE CANDIDATURA AO CONSELLO NACIONAL

XVII Asemblea Nacional do BNG

1. Ana Pontón Mondelo
2. Xosé Luís Bará Torres
3. Xavier Campos López
4. Rubén Cela Díaz
5. Carme da Silva Méndez
6. Olaia Ledo Díaz
7. Bieito Lobeira Domínguez
8. Lucía López Sobrado
9. Manuel Lourenzo Sobral
10. Breixo Lousada Valdés
11. Ana Miranda Paz
12. Lois Pérez Castrillo
13. Montserrat Prado Cores
14. Noa Presas Bergantiños
15. Néstor Rego Candamil
16. Xosé Luís “Mini” Rivas Cruz
17. Olalla Rodil Fernández
18. Goretti Sanmartín Rei
19. Eva Villaverde Pego
     
20. Marta Gómez Martín
21. Avia Veira González
22. Diego Lourenzo Moura
23. Cristina Cid Fernández
24. Rubén Arroxo Fernández
25. Mercedes Tobío Rodríguez
26. Daniel Pérez López
27. Adolfo Muíños Sánchez
28. Daniela Fernández Pérez
29. David Miranda Martínez
30. Ana Ermida Igrexas
31. Luís Seara Fernández
32. María González Albert
33. Francisco Jorquera Caselas
34. Élia Lago Pereira
35. Xabier Pérez Igrexas
36. Rosana Pérez Fernández
37. Xosé Manuel Carril Vázquez
38. Elvira Lombao Vila
39. Iago Tabarés Pérez-Piñeiro
40. Rosana Prieto Florines
41. Francisco Chivite Mosquera
42. Samanta Barreira Vivian
43. Odilo Barreiro Martínez
44. Mercedes Queixas Zas
45. Uxío Benítez Fernández
46. Sabela Bará Louro
47. Daniel Castro García
48. Iván Rivas Rico
49. Cristina López Sánchez
50. Guillerme Vázquez Vázquez

Suplentes: 

1. Margarita Caldas Moreira
2. Xosé Manuel Méndez Díaz
3. Saleta Chao Rivas
4. Xoán Carlos “Kuka” Sar Oliveira
5. Sol Agra Tuñas
6. David Santomil Mosquera
7. Carmela González Iglesias
8. Francisco “Quico” da Silva Vello
9. Lorena Suárez Pazos
10. Xosé Carlos de la Fuente Estévez
11. Pilar Vázquez Sánchez
12. Gonzalo Veiras Carneiro
13. Patricia Torrado Queiruga
14. Luís Pérez Barral
15. Ruth Reza Álvarez
16. Francisco Vilariño Taboada
17. Raquel Suárez Regades
18. Iago Suárez Fernández
19. Míriam Bermúdez García
20. Carlos Babío Urquidi
21. Noelia Rodríguez Justo
22. Paulo “Kai” Ríos Santomé
23. Ánxela Cao Armada
24. Rubén Permui Iglesias
25. Jéssica García Cruz
26. Secundino Fernández Fernández
27. Olalla Obelleiro Hermida
28. Secundino García Casal
29. Iria Carreira Pazos
30. Ramón “Mon” Fernández Alfonzo
31. Carme Aira Díaz
32. Alexandre Espiño Castro
33. Manuela Rodríguez Pumar
34. Sandra Carballa Vázquez
35. Francisco García Suárez