Olaia Fdez. Davila: "Estamos ante un Goberno covarde e mentirán que si vai recortar as pensións"
A deputada do BNG no Congreso, Olaia Fernández Davila, acusou hoxe a Mariano Rajoy de liderar un goberno covarde e mentirán, que fai o contrario do que di, incluído o recorte das pensións que si que o vai facer.
Davila valorou así o Consello de Ministros do Pasado venres do que o presidente do Goberno, na súa
Deste xeito, Davila non dubidou en afirmar queá vista do acordado e do dito na comparecencia o BNG considera que este goberno do PP é un goberno politicamente covarde e mentirán, xa que Rajoy non compareceu para explicar as medidas que adoptou realmente e si para facer un repaso propagandístico a algunhas das medidas que adoptou.
É unha covardía política non dicirlle á cidadanía por parte do presidente do Goberno o que se acababa de aprobar que é ese plan presupostario 2013-2014 que lle remitiu á Unión Europea no que se contemplan unha vez máis recortes en sanidade, en educación, incremento de impostos, recortes en emprego e en pensións, denunciou a deputada nacionalista.
O Goberno do PP si vai recortar as pensións
Neste sentido, e dado que este goberno vai facendo o contrario do que di, a parlamentaria do BNG advertiu de que aínda que o propio Rajoy dixo o venres que non ía tocar as pensións, o plan presupostario aprobado polo Consello de Ministros e enviado polo Goberno á UE si significa redución das contías das pensións para o futuro.
100.000 millóns para os bancos que vai pagar a cidadanía con recortes
E é que, segundo puxo de manifesto Olaia Fernández Davila, a Unión Europea préstalle aos Estado español 100.000 millóns de euros para o saneamento dos bancos, que imos ter que pagar todos e todas os cidadáns por decisión de Rajoy, a través dos recortes do Plan Orzamentario do Goberno para os próximos anos.
Uns recortes que, para a deputada nacionalista, van incrementar a recesión económica e o que hai para o próximo ano é máis recesión e máis paro.
No BNG hai alternativas!
Fronte a estas políticas, Davila salientou que no BNG dicimos que si hai alternativas para saír da crise, como as que leva defendendo o goberno no Congreso dos Deputados dende hai meses.
Así, destacou medidas para loitar contra o fraude fiscal, que os propios inspectores de Facenda cifran en 70.000 millóns de euros; unha reforma fiscal máis progresiva e con máis equidade, que faga pagar máis a quen máis ten ou aforrar na Administración, en vez de conxelando a oferta de emprego público, mediante a eliminación de administracións obsoletas como son as Deputacións provinciais, uns órganos que o goberno de Rajoy pola contra propón reforzar.
Medidas coma estas-subliñou si que mellorarían os ingresos do Estado e evitarían recortes sociais.
http://www.youtube.com/watch?v=lwNHIbe71VE