Jorquera presenta as proposta do BNG en medioambiente
Jorquera, nunha rolda de prensa logo de se reunir con representantes das principais asociacións ecoloxistas do País, asinantes do Programa pola terra 2012, reivindicou o medio ambiente como sinal de identidade, pero ao PP non lle preocupa, porque o PP, se ten que escoller entre negocio e Medio Ambiente escolle negocio.
O candidato nacionalista salientou a coincidencia entre as propostas presentadas polos representantes das asociacións ecoloxistas e o programa do BNG e explicou que do mesmo xeito que pedimos gobernar nós a nosa terra, como di o noso lema, reclamamos tamén gobernar nós o noso territorio.
Para Jorquera, conciliar a modernización e o desenvolvemento económico co respecto polo medio é imprescindíbel para un crecimento sostíbel e lembrou que poñer en práctica políticas de protección do medio ambiente significa tamén protexer a saúde.
Programa do BNG
O candidato do BNG desgranou algunhas das propostas do programa nacionalista nesta materia salientando o impulso dun Plan Galego de Xestión de Residuos que teña como base a reutilización e a reciclaxe e implique incineración cero.
Asemade, comprometeuse ao traballar polo saneamento integral e xestión das augas, de tal xeito que se declaren os ríos totalmente libres de futuros aproveitamentos hidroeléctricos e se paralicen os novos encoros.
Jorquera concluiu pondo enriba da mesa o traballo que fará o BNG, que continuará facendo, para impulsar o traslado de Ence-Elnosa fóra da ría de Pontevedra; ampliar a Rede Natura; declarar o Monte Pindo como parque natural e impulsar unha lexislación que prohíba as touradas en Galiza.
http://youtu.be/2V9sOjMMpC0