#feijoomentiran II: Incumprimentos en Lei de Dependencia e servizos sociais

A serie #feijoomentiran lanza hoxe o seu segundo capítulo centrado nos incumprimentos e as mentiras de Feijóo e do goberno do PP no relativo á Lei de Dependencia.

Na campaña eleitoral de 2009 Feijóo comprometeuse co pobo galego a que se o Partido Popular gañaba as axudas á dependencia cobraríanse na metade de tempo. É máis, animaba ás persoas en situación de dependencia con dereito a axuda que denunciasen ao Goberno se non cobraban as prestacións.

3 anos e medio de despois, Feijóo incumpriu todas as súas promesas eleitorais nesta materia. Hoxe en Galiza máis da metade das persoas con dereito á axuda de dependencia non cobran a axuda. En total case 25.000 galegos e galegas.

Ademáis, o goberno de Rajoy reduciulle un 15% a paga ás coidadoras de persoas dependentes e deixou de financiar as cotizacións sociais das coidadoras.

Deste xeito, o balanzo do Goberno de Feijóo é que, segundo os datos do propio Goberno Central, Galiza suspende en atención á dependencia e pasou a estar no furgón de cola do Estado en servizos sociais, cun gasto medio por habitante de 256 euros fronte á media estatal de 280 horas.