Jorquera interpela ao Vicepresidente, Alfonso Rueda sobre Marcial Dorado, Pablo Crespo e a política da Xunta en materia de contratación pública
Pleno.-O portavoz do grupo parlamentario do BNG, Francisco Jorquera interpelou hoxe ao Vicepresidente da Xunta, Alfonso Rueda sobre a política da Xunta en materia de contratación pública e criticou que o Partido popular impida sistematicamente as comparecencias que solicita a oposición para explicar os casos de corrupción que salpican ao PP de Galiza.
Neste sentido, aludiu ao informe do ano 2006 do Xerente do Partido popular,Modesto Fernández que revela a recepción de doazóns ilegais por parte de numerosas empresas, na súa maioría do sector da construción e beneficiarias de contratas públicas por parte da Xunta de Galiza.
O BNG pide que compareza Pablo Crespo
Asemade, aludiu ao ex-secretario de Organización popular, Pablo Crespo que nunha recente entrevista de televisión vinculaba ao Partido popular de Galiza na trama Gürtell, no caso Bárcenas, presunto financiamento ilegal do partido e casos de corrupción dentro do PP.
Jorquera avougou pola máxima transparencia na concesión de contratas e concursos públicos e esclarecer os casos de corrupción, Sr. Rueda, dixo, está vostede disposto a que compareza Pablo Crespo na comisión de estudos contra a corrupción creada no Parlamento galego para explicar o financiamento ilegal do Partido popular?, preguntou.
Pola súa parte, o vicepresidente da Xunta declinou pronunciarse sobre a reclamación do nacionalista que aproveitou a quenda de réplica para reiterar a petición de comparecencia do exsecretario de Organización do PP en sede parlamentar.
Non e o BNG, é o Xuíz Ruz o que fala dunha contabilidade B do Partido popular como peza central na trama, non é o BNG, dixo quén fala de contratacións ilegais de empresa é Modesto Fernández, xerente do PP. Sr. Rueda, responda ao que lle pregunto e non con insidias ou prendendo o ventilador como fai sempre.
Alcaldes do PP imputados, investigados e condenados por corrupción
O deputado referiuse a indicios de graves delitos que salpican ao propio Goberno da Xunta aos que sumou os casos dos dous alcaldes de Santiago, a alcaldesa de Sanxenxo, Carballiño, Baltar Fisterra, Barreiro, O Pino, Abegondo... todos relacionados con presuntos delitos de corrupción como o alcalde de Barbadás investigado por ocultar máis de 200.000 euros, o de Portas condenado por delito fiscal e o Delgado da Xunta en Ourense condenado por defraudar fondos públicos, esta é a realidade, sentenciou.
Jorquera lembrou que as relacións do Presidente da Xunta con narcotraficante Marcial Dorado sen explicación en sede parlamentar
O BNG non está a favor, dixo de desprestixiar a política nin o populismo que conduce a situacións autoritarias e antidemocráticas e por iso é necesario acabar coa plutocracia e cos gobernos ao servizos dos poderosos, dende o BNG reclamamos a transparencia da que vostedes carecen,concluíu.
