Francisco Jorquera demandou do Goberno do Estado facer público o informe da consultora McKinsey rotativo á mellor estratexia para a venda de Novagalicia Banco
O BNG levou hoxe á Comisión de Economía e Facenda unha Proposición non de lei relativa ao proceso de venda de Novagalicia Banco destinada a demandar do Goberno do Estado facer público o informe da consultora McKinsey sobre a mellor estratexia para a venda de Novagalicia Banco.
O deputado, Francisco Jorquera, autor da iniciativa afirmou que a venda de Novagalicia Banco foi un pelotazo, a costa de saquear as contas públicas polo que instou á Xunta de Galiza a demandar do Goberno do Estado facer público o informe da consultora Mckinsey sobre a mellor estratexia para a venda de Novagalicia Banco.
Jorquera denunciou que mentres sega secuestrada a Comisión das Caixas o BNG levará ao Parlamento, todas as veces que sexa necesario o acontecido no proceso de venda da entidade bancaria porque a sociedade galega ten dereito a coñecer a verdade.
Tras criticar o modelo de reestruturación do sector financeiro do Estado español, altamente concentrado e centralizado, o deputado lembrou que o BNG xa advertiu que este oligopolio agravaría máis as dificultades de acceso ao crédito das familias e empresas e de maneira especial prexudicaría a Galiza.
Galiza foi a Comunidade onde máis retrocedeu o crédito
O parlamentario remarcou que Galiza experimentou un descenso do do 18,81% sobre o total do crédito que se concede o Estado.
Por outra parte, engadiu que a venda de Novagalicia Banco, aceleraría a expatriación do aforro dos galegos e galegas e hoxe os datos, afirmou avalan esa afirmación, Galiza xa e a Comunidade Autónoma co volume máis baixo de crédito en relación cos depósitos que teñen os bancos no noso país.
A venda de NCG foi un agasallo do Estado a un banqueiro venezolano
A bancarización e posterior venda da entidade galega que xestionaba un terzo do noso aforro a un grupo venezolano foi un auténtico agasallo do Estado e ao máis puro estilo do todo a cen.Neste sentido lembrou que foron inxectados 9.000 millóns de euros no saneamento de Novagalicia Banco e foi vendida por 1.003 millóns a pagar en cómodos prazos. Unha vez vendida, pechou o 2014 cun beneficio de 1.157 millóns que superaron o prezo oficial da venda.
Os cidadáns teñen dereito a saber cal foi o custe real para o erario público a decisión política de regalar anticipadamente NCG a un banqueiro venezolano por iso, esiximos que a Xunta demande do FROB toda a documentación do proceso da venda para poñela a disposición do Parlamento de Galiza, concluíu.
O PP vota en contra da iniciativa nacionalista
Pola súa parte, o portavoz do PP, Pedro Puy anunciou o voto desfavorable á iniciativa do BNG por considerar que a ABANCA é unha marca que se consolida, se incrementou o crédito e hoxe ten máis depósitos. Puy engadiu que os galegos e galegas confían na ABANCA e sobre a venda afirmou que tiña que estar vendida no ano 2016 como recomendaba Europa e na puxa gañou e que máis pagou.
Jorquera replicou que o BNG non discute que ABANCA sexa viable. Dende o BNG o que denunciamos, dixo, é que dos recursos para saneala, Galiza non recuperou ni un euro e hoxe o que temos que votar é se a Xunta demandará do Goberno do Estado facer público o informe da consultora Mckinsey.