Tereixa Paz acusou ao Partido popular de deixar ao pairo a miles de galegos e galegas que traballaron no estranxeiro e aos que Facenda lles esixe tributar cando non teñen obriga, na maior parte dos casos
Pleno.- A deputada do BNG, Tereixa Paz volveu pedir hoxe a devolución dos cartos indebidamente cobrado aos emigrantes retornados galegos en concepto de cobro de cantidades indebidas, sancións e xuros.
Na súa intervención reclamou cumprir o acordado no Parlamento galego e non converter nun medidor de apoio a Moción tras as moitas declaracións do Partido popular que só representan palabrería e pediu que o apoio vaia acompañado de feitos que resolvan os problemas das persoas pensionistas emigrantes retornados.
Por agora, dixo, os únicos feitos do PP circunscríbense á aprobación unánime dunha proposición non de lei que o BNG apoiou no seu momento como punto de partida de mínimos. Dende aquela, 11 de setembro do 2013, fóronse detectándose novos problemas pola falta de respostas ás persoas afectadas, engadiu.
O segundo feito do PP foi a aprobación da reforma fiscal do Estado español así como dúas cartas da Xunta remitidas a Axencia tributaria pero tamén hai outras iniciativas do BNG sobre este asunto que foron sistematicamente tombadas polo Partido popular destinadas a solucionar o conflito.
Ónde e cándo se modificou a Lei do ano 2006 para adaptala a situación dos emigrantes retornados?.O único publicado da lei establece que as persoas retornadas deberán tributar o IRPF con arreglo á normativa vixente e establecer un prazo de 6 meses para a regulacións consonte a mesma literalidade da Lei 35 do 2006, polo tanto, dixo, unha burda manipulación. Por iso, o BNG defende esta moción na que comprobaremos se existe un verdadeiro compromiso do PP cos emigrantes retornados e votará a favor de: Derrogar o prazo para que os retornados que non fixeron a declaración nos últimos catro anos a poidan realizar sen ningún tipo de sanción durante un período excepcional no que tamén se inclúe a devolución das sancións e recargas ás que foron sometidos.
Tereixa Paz lamentou que a portavoz do PP, Herminia Pouso Maneira asegurara que os retornados non eran defraudadores fiscais aínda que para a nacionalista, Pouso non o dixo con total convencemento.
A deputada remarcou que existe un verdadeiro caos polo que propuxo modificar a lei para regular, de forma clara, as obrigas e deberes de todas as persoas con pensións percibidas no estranxeiro cun réxime tributario igualitario e non discriminatorio para os retornados e poñer en marcha o recoñecemento das invalideces.
Finalmente na votación da inciativa do BNG foron aprobados os puntos:
3.- Poñer en marcha un mecanismo áxil para o recoñecemento de oficio por parte dos órganos competentes do estado español das resolucións de invalidez a favor dos e das emigrantes retornados feitas nos Estados de orixe.
4.- Asumir o contido das sentenzas xudiciais que en virtude do artigo 19 de tratado bilateral hispano-alemán vixente até o 31de decembro de 2012, que exime de tributación no Estado español as pensións percibidas en Alemaña antes do exercicio 2013 e que en consecuencia se proceda á devolución de oficio, e dentro do actual ano fiscal, das contías ingresadas polas persoas afectadas en concepto de imposto sobre a renda das persoas físicas.
Tereixa Paz reiterou que o BNG seguirá traballando para modificar a lei que discrimina ao colectivo de emigrantes retornados.