O BNG esixe saber en que momento foron paralizadas as obras e porque a Xunta o ocultou aos veciños.Ana Pontón cualificou de xestión neglixente pagar tres veces máis pola infraestrutura e reclamou os expedientes que o PP oculta á Cámara galega.
A deputada o BNG, Ana Pontón formulou hoxe unha pregunta na comisión de Ordenación do Territorio sobre o cumprimento da lei en materia de contratos públicos coa execución da autovía da Costa da Morte.
Na súa intervención, a deputada reclamou a copia integra do expediente e preguntou que ten que ocultar o Partido popular para que o BNG acceda a esa documentación.Si nos vai dicir que vaiamos á Xunta para consultar expedientes parciais, dixo, non nos vale, porque temos dereito a copia íntegra dos expedientes.
Xestión económica neglixente da Xunta
A parlamentaria insistiu no informe dos Servizos xurídicos do propio Parlamento que recoñece a ilegalidade da modificación iniciada polo Goberno galego sobre o contrato ao que sumou a ausencia dun informe rigoroso da Xunta que xustifique que seis millóns de euros eviten a quebra económica da Xunta cando por outra parte, manifestou, tentan convencernos da súa situación boiante e que estamos saíndo da crise.
Parécenos moi grave pagar tres veces máis do custe dunha autovía na que a Xunta non está a defender o interese xeral que sería dotar de infraestruturas modernas a Costa da Morte para favorecer o seu desenvolvemento e non ao ditado dunha construtora que ademais parte aparece na trama Gürttel, abondou
A Xunta recoñece que autorizou a paralización das obras
O director Xeral da Axencia galega de Infraestruturas, Francisco Menendez comprometeuse a remitir os expedientes e defendeu á xestión da Xunta alegando que non se produciu ningún incumprimento nos prazos da execución obras porque a Xunta autorizou a paralización das obras, polo tanto, non hai penalidades neste contrato. Non é posible rescindir o contrato e executar a autovía porque implicaría o pagamento dunha responsabilidade patrimonial de 40 millóns de euros cantidade investida ata este momento.
A deputada do BNG respondeu que este dato é moi relevante porque pon de manifesto que a Xunta ocultou esta paralización durante os últimos meses e preguntou en que momentos se produciu esta suspensión.
O BNG acusa ao PP de falta de credibilidade
Pontón lembrou que o BNG denunciou a ilegalidade de contratos que agora son investigados pola Xustiza na Operación Zeta mentres a Xunta o negaba o que nos leva a pensar que o Partido popular carece de credibilidade tamén neste asunto. Hai unha evidencia, afirmou, a Xunta non aplicou as penalidades incluídas no contrato coa concesionaria da Costa da Morte e neste caso o PP e a Xunta incumpren de maneira flagrante o seu compromiso cos veciños e veciñas da Costa da Morte.
A xunta pagará 617 millóns de euros por 27Qm fronte a 540 M por 60 Qm
A autovía tiña que estar finalizada e o que temos, apuntou a deputada, é un contrato vulnerado e unha xestión económica neglixente, con 617 millóns de euros por 27 Qm de custe inicial. Ademais, engadiu, terán que explicar porque se ese é o calculo previsto, ao facer o sumatorio dos pagos anuais do canon nos orzamentos da Xunta aparecen 745,8 millóns de euros, e dicir un sobrecoste de máis de 100 millóns.
Por esta obra imos pagar tres veces máis do custe real e explicou que na primeira adxudicación de 60 qm o custe era de 540 millóns de euros. Despois de seis anos vanse facer 27 qm por 617 millóns, o que, ao seu xuízo, evidencia unha mala xestión dos recursos públicos.
Nesta liña abondou nas razóns polas que a Xunta, despois de recoñecer nos anos 2012 e 2013 os problemas de financiamento da empresa non revogou a concesión modificando posteriormente a lei de contratos públicos para beneficiar os intereses da concesionaria. Os únicos responsábeis de impedir que haxa unha autovía na Costa da Morte é o Partido popular e o Goberno galego, concluíu.