A parlamentaria censurou que o titular de Industria anuncie un modelo que queima en masa para promocionar a Ence e Finsa e non por un verdadeiro modelo enerxético galego
Pleno- A deputada do BNG, Carme Adán acusou ao conselleiro de Industria, Francisco Conde de utilizar o Parlamento galego para seguir facendo propaganda e carecer dun verdadeiro modelo enerxético para as persoas e familias galegas.
Tras a comparecencia do titular de Industria, á petición propia para informar do futuro das enerxías renovables en Galiza, a nacionalista considerou que, unha vez máis, a intervención do conselleiro constata a ausencia do modelo enerxético do Partido popular para Galiza.
O PP leva segue facendo propaganda coa enerxía galega
Sobre o futuro, dixo, e despois de ler a páxina web da Xunta na que o propio Feijóo salienta o compromiso do Goberno coa enerxía e medio ambiente, e sobre todo en biomasa, só podemos dicir que pasamos de Galiza é unha mina, a Galiza é unha caldeira onde se mobilizan, outra vez, 480 millóns de euros, 1.000 empregos directos e non sabemos cantos indirectos porque a estas alturas, xa non acreditamos na propaganda do Partido popular.
Despois de abandonar o monte, como ten denunciado o BNG durante anos, agora resulta que temos madeira de pouca calidade e vostedes queren queimala en masa para promocionar a Ence e Finsa e non apostar pola biomasa residual como modelo máis acaído.
Unha cruzada contra as renovábeis e a autonomía enerxética
Para a deputada, o Partido popular iniciou unha cruzada contra as renovábeis, o autoconsumo e contra todo o que signifique autonomía enerxética. Non se esqueza, puntualizou, a nacionalista que as cooperativas e os consumidores levan anos facendo investimentos durante os últimos anos, non se esqueza e diga algo ao respecto, a non ser que non lle interese que Galiza teña autonomía enerxética.
No País Vasco e Asturias, abondou, Adán estudan unha tarifa eléctrica, mentres vostedes veñen ao Parlamento a seguir facendo propaganda. En Alemaña, por falar de Europa, o 27 % da enerxía eléctrica está producida por cooperativas de enerxías renovábeis. O PP, sen embargo, segue apostando polo modelo de grandes eléctricas e que Ence continúe arrendando terras a custes moi baratos para queimar eucaliptos.
A deputada denunciou que o PP non limitou o déficit tarifario, de feito, segue subindo tampouco deu resposta a pobreza enerxética Seguimos agardando polo modelo enerxético do PP para persoas e familias, reiterou.
Sobre o concurso eólico, Adán dixo ser o maior fracaso industrial de Galiza, despois de publicitar 13.000 de traballo, fican 1.800; na biomasa introducen especies que converten o monte galego nun polvorín e os cultivos enerxéticos, seguen sen unha fiscalidade diferente. Explíquenos dunha vez, cál é o modelo de enerxía que ten o PP para Galiza, concluíu.