A deputada do BNG no Congreso, Rosana Pérez, dirixiuse á Secretaria de Estado de Educación, Montserrat Gomendio, que anule o Real Decreto de 2013 e se recupere o sistema de becas que estaba vixente, sen partes variábeis e fixas.
Rosana Pérez comezou a súa intervención reprochando á Secretaria de Estado de Educación que tardara case un ano en acudir á Cámara, a pesar de que o BNG pediu a súa comparecencia en catro ocasións. E agora ven aquí a falar do que xa sucedeu, e o que sucedeu xa o coñecemos. Conste a nosa crítica por vir tan tarde.
O seu sistema de bolsas é un auténtico calvario para os estudantes
A continuación a deputada do BNG comezou por criticar o novo modelo de bolsas xerais que se aprobou o pasado ano, consistente nunha parte fixa e nunha parte variábel, un modelo que se demostrou fracasado. Sabe que a parte variábel depende de varios factores e está a supór un auténtico calvario para miles de estudantes, que a estas alturas de remate do curso siguen sin percibir a súa beca.
Afirmou que o novo sistema de becas xeral crea inquedanza, incertidume aos estudantes que non saben con que van contar para programarse o curso. Denunciou a opacidade do novo modelo que provocou un grande malestar no estudantado, que incluso o pasado 7 de maio acudiu ao Ministerio para que fosen atendidos por algún representante debido ao enorme retraso no pagamento da parte variábel da bolsa. O que obrigou a algúns estudantes a peder préstamos que terán que saldar cando por fin reciban as axudas.
Reprochoulle que sigan unha estratexia de facer e non falar, de feitos consumados porque primeiro recurtan e agora veñen dar contas tarde. Sen dar marxe para o diálogo. Respostoulle á Gomendio que non nos valen os seus argumentos sobre o rendimento académico porque son recurtes. Cercenan a igualdade de oportunidades e o dereito de acceso universal á educación con continuos atrancos ás familias máis desfavorecidas.
Díxolle á Secretaria de Estado que o novo modelo de becas está provocando o abandono de estudos dunha parte do alumnado. Se suma a suba das taxas, o endurecemento dos criterios para acceder ás bolsas, a diminución das cantidades nas axudas, a incertidume de non saber cal vai ser a contía a percibir, a inxustificábel demora no ingreso das becas, ou a denegación constante das mesmas, decataráse que empurran ao abandono de estudos.
Deixen tranquilas as Bolsas Erasmus e mellórenas
A segunda cuestión que a deputada do BNG puxo enriba da mesa foi a relativa ás bolsas Erasmus. Comezaron co serial en novembro pasado, modificando sen previo aviso os requisitos para acceder a unha Erasmus e exixindo que fosen adxudicatarios dunha beca xeral.
Non son formas Señora Secretaria de Estado cambiar as reglas de xogo a metade de partida, co curso iniciado e cando a maior parte dos Erasmus xa estaban os paises de orixe, sinaloulle. A deputada do BNG salientou que seguramente vostedes desde as alturas do Ministerio son son conscientes de que para moitos Erasmus 150 euros mensuais é unha cantidade que lles salva o mes.
O segundo capítulo neste tipo de axudas, foi cando decidiron recurtar a duración das bolsas, para pasalas dunha duración media de oito meses a unha duración de seis meses. Este recurte na estancia prexudica a formación en linguas e non esqueza que é un do défices que teñen os alunos no estado español. Nese sentido, subliñou que o máis lóxico é realizar o curso completo nun pais estranxeiro porque se require dun tempo de adaptación.
Na súa conclusión, a deputada do BNG demandou a Gomendio que deixen xa tranquilas as bolsas Erasmus. Deixen de trasladar unha constante inestabilidade aos estudantes, sobre todo aos que proceden de familias con poucos recursos económicos. Instou ao Ministerio a cambiar a política en materia de bolsas e axudas ao estudo, prioricen a educación pública.