Carme Adán cualifica de moi graves as declaracións de Arias Cañete e acusa ao candidato do PP ao Parlamento europeo de sexista.Declaracións desta índole, afirmou, alimentan a desigualdade
Tras a comparecencia do vicepresidente, Alfonso Rueda para explicar os ámbitos de competencias da Lei de medidas contra a violencia de xénero, a parlamentaria do BNG denunciou o aumento de casos e a redución de maneira preocupante dos recursos.
Sobre este extremo, preguntou qué pasa despois de que unha muller denuncia ao seu maltratador e culpabilizou á administración de non ofrecer as garantías necesarias para a asistencia integral das vítimas
A deputada considerou que a sensibilización é fundamental na loita contra a violencia de xénero e recriminou a ausencia de grupos feministas, parlamentarios e representantes de colectivos que traballan coas vítimas, na primeira reunión de traballo do Observatorio contra a violencia de xénero, creo, dixo, que é un erro.
Os nenos xogan ao fútbol, as nenas len contos de princesas.
Adán afirmou que para loitar contra a desigualdade hai que romper estereotipos e reprobou campañas de publicidade como Coruña guapa ou anuncios como o emitido o pasado 15 de maio sobre as familias na que un neno afirma que xoga co seu pai ao fútbol e a nena cóntalle contos de princesas, deixemos as princesas que resolvan os seus problemas xudiciais e non fagamos publicidade sexista dende as institucións.
Cañete delatase nas súas declaracións
A parlamentaria censurou que a secretaria Xeral de Igualdade lexitimara nunha entrevista radiofónica as declaracións do candidato do PP ao Parlamento europeo que asegurou tras o debate coa candidata socialista Elena Valenciano, si muestras superioridad intelectual sobre unha muller, eres machista. Para a parlamentaria, estas declaracións fan máis contra a igualdade que os anuncios para erradicala, hai que loitar contra a crenza da inferioridade das mulleres .
Adán pediu a Rueda reprobar as declaracións sexistas de Arias Cañete, reprobación que o vicepresidente obvio.
Os medios existentes non garanten a integridade física das vítimas
A parlamentaria denunciou o descenso de cursos de formación a respecto da educación, o descenso tamén no número de mulleres que solicitaron o salario da liberdade así como o número de peticións do certificado acreditativo de vítima de violencia de xénero para incorporarse ao programa de inserción laboral. Asemade, descendeu alarmantemente o número de mulleres que solicitaron atención psicolóxica e baixou o número de mulleres vítimas de violencia que utilizaron o programa Aluga pero non decreceron as ordes de alonxamento, denuncias e ordes de protección, vostedes terán que explicar algún día a contradición destes datos, remarcou.
Se temos en conta os recursos que existen para unha muller que denuncia, estes non aseguran a súa integridade física, hai un sobresemento do 40% de ordes de protección poñendo en perigo a moitas mulleres e tampouco hai medios para protexelas. Queremos que as mulleres denuncien pero despois qué!.
A parlamentaria rematou a súa intervención pedindo un rexeitamento do Parlamento galego do secuestro das nenas nixerianas privadas e sometidas a todo tipo de violación dos dereitos fundamentais polo feito de ir a escola.
