A portavoz do BNG no Congreso, Olaia Fernández Davila, subiu á tribuna a manifestar o voto en contra do BNG ao aforamento de Juan Carlos I, incluida polo Goberno através de emendas a un proxecto de lei que nada tiña que ver.
Davila deixou claro o voto en contra do BNG ao proxecto de lei que recolle o aforamento de Juan Carlos I, tanto polas formas como polo fondo da cuestión. Non compartimos as formas utilizadas polo Goberno do PP que consistiu en presentar unha emenda a un proxecto de lei en curso en apenas 24 horas, unhas formas que nos impediron aos grupos presentar emendas ou dar un debate non só sobre o aforamento en concreto de Juan Carlos I, senón en xeral sobre a figura so aforamento.
A deputada do BNG acusou ao Goberno de furtar ao Parlamento a posibilidade de que os grupos parlamentares puidesemos cumprir coa nosa responsabilidade.
De que protexen a Juan Carlos I? De que queren protexer á infanta Cristina?
Olaia Fernández Davila tamén criticou o fondo: non podemos compartir tampouco que se otorgue a Juan Carlos I uns privilexios que xa non lle corresponden porque xa non ten funcións en activo e preguntouse de que quer o Goberno protexer a Juan Carlos I e por que tantas presas? De que quere protexer o Goberno á infanta Cristina cando anuncia que vai recorrer a imputación?.
A democracia non foi unha graza divina do rei Juan Carlos I
Ademáis, Davila censurou que se achaque a democracia ao rei Juan Carlos I. Dóenos como cidadáns que vivimos épocas de ditadura, que se siga alabando tanto ao rei Juan Carlos I como se por graza divina se nos otorgase a democracia. É tanto como insultar a miles de cidadáns que por defender a democracia tiveron que sofrir a represión da ditadura.
Engadiu que non podemos aceitar que a democracia, moita ou poca que existe no estado español, sexa unha graza de ningún rei cando foi unha graza que nasce da defensa dos cidadáns.
